२०७६।०९।२१
त्रि.वि.प.नि.का. वल्खुद्वारा मिति २०७६।०९।१४ को गोरखापत्रमा प्रकाशित सूचना अनुसार त्रि.वि.को वार्षिक परीक्षा प्रणाली अनुसार २०७६ सालको एम.वि.एस. प्रथम वर्षको आंशिक र मौका समेतको परीक्षा दिने परीक्षार्थीहरूको हकमा २०६२ सालमा प्रथम वर्षमा भर्ना भई २०६३ सालमा पहिलो पटक प्रथम वर्ष परीक्षा दिई ६ वर्ष नाघेर उत्तीर्ण हुन नसकेका यस क्याम्पसका परीक्षार्थीहरूलाई २०७६ सालमा अन्तिम पटकका लागि मौका परीक्षाको लागि परीक्षा आवेदन फाराम भरी मिति २०७६ साल माघ १४ गतेसम्म नियमित शुल्कमा र दोब्बर दस्तुर उक्त म्याद सकिएको एक हप्ताभित्र मिति २०७६ साल माघ २१ गतेसम्म प्रातः समूहका परीक्षार्थीहरूले विहान ७ः०० बजेदेखि १०ः०० बजेसम्म र साँझ समूहका परीक्षार्थीहरूले साँझ ४ः०० बजेदेखि ५ः०० बजेसम्ममा शैक्षिक प्रशासन शाखाबाट रुजु गराई आर्थिक प्रशासन शाखाको फि–काउण्टरमा आवश्यक परीक्षा शुल्क तिरी बुझाउन सम्वन्धित सवैको जानकारीको लागि यो सूचना प्रकाशित गरिएको छ ।
परीक्षा फाराम भर्दा ध्यान दिनु पर्ने कुराहरू :
१. परीक्षा आवेदन फाराम स्वयं परीक्षार्थीले भरी सबै प्रकृया पु¥याई आफैंले बुझाउनुपर्नेछ ।
२. परीक्षा फाराममा त्रि.वि.रजिष्ट्रेशन नं. अनिवार्यरुपमा उल्लेख गर्नु पर्नेछ । परीक्षा फाराममा त्रि.वि.दर्ता फाराममा भरे अनुसार जन्म मिति, बाबुको नाम,थर फरक नपारी उल्लेख गर्नुपर्नेछ ।
३. परीक्षा फाराममा हालसालै खिचेको (साधारण पोसाकमा) पासपोर्ट साइजको फोटो २ प्रति टास्नु पर्नेछ । परीक्षा संचालन अवधिसम्म प्रवेश पत्र प्रतिलिपी लिनु परेमा परीक्षा आवेदन फाराममा प्रयोग भए अनुसारको फोटो नै पेश गर्नुपर्नेछ ।
४. आंशिक परीक्षार्थीहरूले गत वर्ष दिएको सक्कल लब्धांक पत्र रुजु गर्न परीक्षा आवेदनसाथै पेस गर्नु पर्नेछ साथै गत वर्ष दिएको परीक्षाको रोल नं. परीक्षा आवेदन फारामको माथिल्लो भागमा अनिवार्य लेख्नु पर्नेछ ।
५. मौका परीक्षाको लागि नियमित प्रथम वर्षको पहिलो पटक परीक्षा दिएकोे सक्कल लब्धांक पत्रको फोटोकपी परीक्षा आवेदन फाराम साथै अनिवार्य पेश गर्नु पर्नेछ । परीक्षा फाराम रुजु गर्दा अन्तिम पटक अनुतिर्ण भएको सक्कल लब्धांक पत्र अनिवार्य रूपमा पेश गर्नु पर्नेछ । अन्यथा परीक्षा फाराम स्वीकृत गरिने छैन ।
क्याम्पस प्रमुख